ചിക്കന്‍കറി

1. കോഴി 1 ( കഷ്ണങ്ങള്‍ ആക്കിയത്)
2. സബോള 3 ( നീളത്തില്‍ അരിഞ്ഞത്)
3. വെളുത്തുള്ളി ചതച്ചത് 3 ടീസ്പൂണ്‍
4. ഇഞ്ചി 3 ടീസ്പൂണ്‍
5. പച്ചമുളക് 4 ( രണ്ടായിപിളര്‍ന്നത് )
6. കറിവേപ്പില ആവശ്യത്തിനു
7. തക്കാളി 2 ( കഷ്ണങ്ങള്‍ ആക്കിയത്)
8 എണ്ണ ആവശ്യത്തിനു
9. കടുക് ½ ടീസ്പൂണ്‍
10.മുളകുപൊടി 1 ടീസ്പൂണ്‍
11 മല്ലിപ്പൊടി 2 ടീസ്പൂണ്‍
12.മഞ്ഞള്‍പൊടി ¼ ടീസ്പൂണ്‍
13.കുരുമുളകുപൊടി ½ ടീസ്പൂണ്‍
14. ഗരം മസാലപ്പൊടി 1 റ്റീസ്പൂണ്‍
15.ഉപ്പ് ആവശ്യത്തിനു
16.വെള്ളം ½ ഗ്ലാസ്
പാകംചെയ്യുന്നവിധംഒരു കുക്കറില്‍ എണ്ണഒഴിച്ച് കടുകിട്ട് പൊട്ടികഴിയുമ്പോള്‍ 2 മുതല്‍ 6 വരെയുള്ളത് നല്ലപോലെ വഴറ്റുക .അതിന് ശേഷംതക്കാളിഇട്ടുഒന്നുവഴറ്റുക ,എന്നിട്ട് 10 മുതല്‍ 14 വരെയുള്ള പൊടികള്‍ ഇട്ടുവഴറ്റി അതിലേക്ക് കോഴിയേയുംഇട്ടു ഇളക്കിയത്തിനു ശേഷംആവശൃനുസരണംഉപ്പുംഇട്ടു ½ ഗ്ലാസ് വെള്ളവുംഒഴിച്ച് ഒന്നിളക്കിയതിന് ശേഷംകുക്കര്‍ അടച്ചുവെക്കുക 2വിസില്‍ അടിക്കുമ്പോള്‍ സ്റ്റൌവ്വ് ഓഫ്ചെയ്യുക.ചിക്കന്‍ കറി തയ്യാര്‍ .

From
Suma

ബീറ്റ്റൂട്ട് തോരന്‍

1. ബീറ്റ്റൂട്ട് കൊത്തി അരിഞ്ഞത് 1 കപ്പ്
2 സബോള കൊത്തി അരിഞ്ഞത് ½ കപ്പ്
3. പച്ചമുളക് 3 ( നീളത്തില്‍ കീറിയത് )
4. കറിവേപ്പില ആവശ്യത്തിനു
5. ഉപ്പ് ആവശ്യത്തിനു
6. മഞ്ഞള്‍പ്പൊടി കുറച്ചു
7. എണ്ണ ആവശ്യത്തിനു
8. കടുക് ആവശ്യത്തിനു
പാകംചെയ്യുന്ന വിധം

ആദ്യം1 മുതല്‍ 6 വരെയുള്ളത് നല്ലപോലെ മിക്സ്ചെയ്യുക .അതിന് ശേഷംപാനില്‍ എണ്ണ ഒഴിച്ച് കടുകിട്ട് പോട്ടികഴിയ്മ്പോള്‍ മിക്സ്ചെയിത് വെച്ചിരിക്കുന്നകൂട്ടിട്ടു നല്ലപോലെഒന്നിളക്കി തേങ്ങാപ്പീരയും അതിന്‍റെ മുകളിലെക്കിട്ടു അല്‍പ്പംവെള്ളംതളിച്ച് അടച്ചുവെക്കുക. (ചെറിയ തീയില്‍ വേണം) 5 മിനിട്ടുകഴിയുമ്പോള്‍ തുറന്നുഅതൊന്നു ഇളക്കിചിക്കി തോത്തി എടുക്കുക . തോരന്‍ തയ്യാര്‍ .

From
Suma

പാലപ്പവുംമുട്ടക്കറിയും

അരി 2 ഗ്ലാസ്
തേങ്ങാപ്പീര 1 കപ്പ്
ചോറു 1 കപ്പ്
ഈസ്റ്റ് 1 ടീസ്പൂണ്‍
പഞ്ചസാര 2 ടീസ്പൂണ്‍
വെള്ളം ആവശ്യത്തിനു
പാലപ്പംഉണ്ടാക്കുന്നവിധംഅരി 3 മണി്ക്കൂര്‍ കുതിര്‍ത്തതിന് ശേഷം കഴുകിവാരി എടുത്ത് വെക്കുക .ഈസ്റ്റ് 2 സ്പൂണ്‍ പഞ്ചസാരയും ചേര്‍ത്തു ചെറുചൂടുവെള്ളത്തില്‍ കലക്കിവെക്കണം . എന്നിട്ടു അരിയും തേങ്ങയും ചോറുംകൂടിമിക്സ് ചെയിത് നല്ലവണ്ണം മിക്സിയില്‍ അരച്ചെടുക്കുക . അതിലേക്ക് പൊങ്ങിവന്നഈസ്റ്റുംകലക്കി 3 – 4 മണിക്കൂര്‍ പോങ്ങാന്‍ വെക്കണം . ( കലക്കി വെക്കുംബോള്‍ ഈ കൂട്ട് കുറുകിയിരിക്കാതെ ലൂസ് ആയിരിക്കണം ) മാവ് പൊങ്ങിയതിനു ശേഷം ഉപ്പ് ആവശൃത്തിനിട്ടു കലക്കിയിട്ടു പാലപ്പച്ചട്ടിയില് ഓരോ തവി കോരിയൊഴിച്ച് ഒന്നു ചുറ്റിച്ചിട്ട് അടച്ചുവെക്കുക . പാലപ്പം വെന്തു എന്ന് തോന്നുമ്ബോള്‍ എടുതുവെച്ചിട്ടു അടുത്തതുംഅതേ രീതിയില്‍ ഉണ്ടാക്കി എടുക്കുക .
മുട്ടക്കറി
1. മുട്ട പുഴുങ്ങി തോട്കളഞ്ഞത്‌ 4 ( രണ്ടായി മുറിച്ചത് )
2. സബോള 3 ( നീളത്തില്‍ അരിഞ്ഞത് )
3. പച്ചമുളക് 6 ( രണ്ടായി കീറിയത് )
4. വെളുത്തുള്ളി ചതച്ചത് 1 ടീസ്പൂണ്‍
5. ഇഞ്ചി ചതച്ചത് 1 ടീസ്പൂണ്‍
6. കറിവേപ്പില ആവശ്യത്തിനു
7.തക്കാളി 2 ( കഷ്ണിച്ചത് )
8. ഉരുളന്‍ കിഴങ്ങ് 1 ( ഇതു കഷണങ്ങള്‍ ആക്കിവേവിച്ച് മാറ്റിവെക്കുക .)
9. മുളക്പൊടി ½ ടീസ്പൂണ്‍
10. മല്ലിപ്പൊടി 2 ടീസ്പൂണ്‍
11. മഞ്ഞള്‍പ്പൊടി ¼ ടീസ്പൂണ്‍
12. കുരുമുളകുപൊടി ¼ ടീസ്പൂണ്‍
13. ഗരംമസാല ½ ടീസ്പൂണ്‍
14. ഉപ്പ് ആവശ്യത്തിനു
15. എണ്ണ 4 ടേബിള്‍സ്പൂണ്‍
16. കടുക് 1 ടീസ്പൂണ്‍
17. വെള്ളം 11/2 കപ്പ്
18. തേങ്ങാപൌഡര്‍ ½ കപ്പ്
പാകംചെയ്യുന്നരീതിആദ്യം ഒരു പാനില്‍ എണ്ണ ഒഴിച്ച് കടുകിട്ട് പോട്ടികഴിയുമ്പോള്‍ 2 മുതല്‍ 6 വരെയുള്ളത് നല്ലവണ്ണം വഴറ്റുക . അതിലേക്ക് 9 മുതല്‍ 13 വരെയുള്ളതും ഇട്ടുവഴറ്റുക എന്നിട്ട് തക്കാളിയും ഉരുളന്‍ കിഴങ്ങും എട്ടു ½ കപ്പ് വെള്ളവും ഒഴിച്ച് ഉപ്പും ഇട്ടു തിളപ്പിക്കുക . എന്നിട്ടു അതിലേക്ക് തേങ്ങാ പൌഡര്‍ ഒരു കപ്പുവെള്ളത്തില്‍ കലക്കിയത് ഒഴിച്ച് ചൂടാക്കി എടുക്കുക .( തെങ്ങാപ്പാല് ഒഴിച്ചതിനു ശേഷം തിളക്കാന്‍ പാടില്ല ) അതിലേക്ക് പുഴുങ്ങി വെച്ചിരിക്കുന്ന മുട്ടയും ഇട്ടു വിളമ്പാം .

From
Suma

പരിഞ്ഞില്‍തോരന്‍

1. പരിഞ്ഞില്‍ 1 കപ്പ്
2. സവാള കൊത്തിഅരിഞ്ഞത് 1 കപ്പ്
3. ഇഞ്ചി ചതച്ചത് 2 ടീസ്പൂണ്‍
4. വെളുത്തുള്ളി ചതച്ചത് 2 ടീസ്പൂണ്‍
5. പച്ചമുളക് വട്ടത്തില്‍അരിഞ്ഞത് 5 എണ്ണം
6. കറിവേപ്പില - ആവശ്യത്തിനു .
7. മഞ്ഞള്‍ പൊടി - ¼ ടീസ്പൂണ്‍
8. ഉപ്പ് - ആവശ്യത്തിനു .
9. എണ്ണ - 3 ടേബിള്‍ സ്പൂണ്‍
10.കടുക് - ആവശ്യത്തിനു
പാകം ചെയ്യുന്നവിദം
1 മുതല്‍ 8 വരെയുള്ളത് ഒരു പാത്രത്തില്‍ ഇട്ടു നല്ലവണ്ണം ഒന്നു മിക്സ് ചെയ്യുക . എന്നിട്ടു ഒരു ഫ്രൈഗ്പാനില് എണ്ണ ഒഴിച്ച് കടുക് ഇട്ടുപൊട്ടുമ്പോള്‍ അതിലേക്ക് ഈകൂട്ട് ഇട്ടു ഒന്നു ഇളക്കിയത്തിനുശേഷം അല്പംവെള്ളം ഒഴിച്ച് 5 മിനിട്ട് അടച്ചുവെച്ചുചെറുതീയില്‍ വേവിക്കുക .എന്നിട്ടു അതുതുറന്നുവെച്ചു ചിക്കി തോത്തി എടുക്കുക .

From
Suma

മോരുകറി

½ ലിറ്റെര്‍ മോര്
1. വെളുത്തുള്ളി നീളത്തില്‍ അരിഞ്ഞത് – 1 ടേബിള്‍സ്പൂണ്‍
2. ഇഞ്ചി കൊത്തിഅരിഞ്ഞത് – 1 ടേബിള്‍സ്പൂണ്‍
3.ഉള്ളി നീളത്തില്‍ അരിഞ്ഞത് – 2 ടേബിള്‍സ്പൂണ്‍
4.കറിവേപ്പില - ആവശ്യത്തിനു
5.വറ്റല്‍മുളക്നീളത്തില്‍ മുറിച്ചത് 3 എണ്ണം
6. കടുക് - ആവശ്യത്തിനു
7. എണ്ണ -3 ടേബിള്‍ സ്പൂണ്‍
8. ഉലുവാപ്പൊടി - ¼ ടീസപൂണ്‍
9. ജീരകപ്പൊടി - ¼ ടീസ്പൂണ്‍
10. മഞ്ഞള്‍പ്പൊടി - ¼ ടീ സ്പൂണ്‍
11. ഉപ്പ് - ആവശ്യത്തിനു .
പാകംചെയ്യുന്ന രീതി
ആദ്യം കറിവെക്കുവാന്‍ ഉദ്ദേശിക്കുന്ന പാത്രത്തില്‍ എണ്ണ ഒഴിച്ച് കടുകിട്ട് പൊട്ടുമ്പോള്‍ 1 മുതല്‍ 5
വരെയുള്ളത് ഇട്ടുവഴറ്റുക ,അതിന്ശേഷമതിലേക്ക് 8 മുതല്‍ 10 വരെയുള്ളതിട്ടു ഒന്നിളക്കിയതിന്
ശേഷം തയാര്‍ആക്കിവെച്ചിരിക്കുന്ന മോര് അതിലേക്ക് ഒഴിച്ച് ഉപ്പും ആവശ്യാനുസരണം ഇട്ടു നല്ലവണ്ണം ചൂടാക്കി എടുക്കുക . ചൂടായതിനു ശേഷംവാങ്ങിവെക്കുക .
( മോര് തിളച്ചു പോകാതെ പ്രേത്യെകം ശ്രേദ്ദിക്കണം .)

From
Suma